उपक्रमशिलतेची कास धरणारी शाळा
पुणे जिल्ह्याच्या ठिकाणापासून साधारणता 40 किलोमीटर दूर निसर्गाच्या सानिध्यात मुठा नदीच्या खोऱ्यात असलेली एक जिल्हा परिषदेची शाळा.जिल्हा परिषद प्राथमिक शाळा बहूली काय तिचे देखणे रूप पहातच रहावे व सर्वांनी या आधुनिक युगात अत्यंत ग्रामीण भागात देखील दिमाखात उभी आहे घडविण्याची चिमुकल्या उद्याच्या भावी नागरिकास.
पुणे जिल्ह्यातील पहिली ISO मानांकित शाळा, पहिली डिजिटल स्कूल पुणे जिल्ह्याचा मानाचा अध्यक्ष चषक पुरस्कार प्राप्त शाळा, शाळेतील दोन शिक्षकांना राष्ट्रपती पुरस्कार प्राप्त, राष्ट्रीय शाळा सिद्धि प्रकल्पामध्ये ‘अ’ श्रेणी गुणांकन असलेली शाळा, स्वच्छतेच्या राष्ट्रीय पुरस्कार प्राप्त शाळा, गुणवत्तेच्या बाबतीत प्रथम क्रमांक, गल्लीपासून दिल्लीपर्यंत सर्वजणांनी नावाजलेली ग्रामीण भागातील जिल्हा परिषदेची शाळा.
जिल्हा परिषद प्राथमिक शाळा बहूली इयत्ता पहिली ते आठवी पर्यंत एकूण 89 विद्यार्थी गुणवत्तापूर्ण शिक्षण घेत आहेत शाळेत एकूण चार शिक्षक कार्यरत असून शाळेचे मुख्याध्यापक श्री किशोर वामन भवाळकर यांनी समर्थपणे शाळेची धुरा सांभाळली आहे शाळेतील सर्व शिक्षक तंत्रस्नेही असून विद्यार्थ्यांना त्याचा लाभ होत आहे.
DIGITAL PLATFORM, ABL अध्यापन पद्धती,ज्ञानरचनावाद अशा विविध अध्यापन पद्धतीचा अत्यंत प्रभावीपणे वापर शाळेमध्ये केला जातो शालेय अभ्यासक्रमाबरोबर विद्यार्थ्यांना सर्वगुणसंपन्न बनवण्यासाठी, सहशालेय उपक्रमांची जाणीवपूर्वक निर्मिती केली जाते . सर्व विद्यार्थ्यांना त्यामध्ये सहभागी करून घेतले जाते शालेय स्वच्छता, वृक्षारोपण, कला कार्यानुभव अंतर्गत विविध उपक्रम ,दरमहा बालसभा आयोजन, क्षेत्रभेटी इत्यादी उपक्रम जाणीवपूर्वक करून घेतले जाते, जेणेकरून श्रमप्रतिष्ठा,सभाधीटपणा, व्यावसायिक कौशल्य यांसारख्या गुणांची जोपासना विद्यार्थ्यांमध्ये व्हावी. त्याचबरोबर गायन , कला याबद्दल देखील मार्गदर्शन शाळेमध्ये केले जाते.
सर्व प्रश्नांची उत्तरे देणारी अत्याधुनिक 15 कम्प्युटर सुसज्ज लॅब लॅब शाळेमध्ये उपलब्ध आहे .त्याचा सर्व मुलांना लाभ होतो. लहान वर्गातील मुले कम्प्युटरवर paint च्या माध्यमातून चित्रे काढतात ,नावाच्या slides बनवतात. व मोठ्या वर्गातील मुले आवश्यक माहिती चे इंटरनेट द्वारे संकलन करतात पीपीटी बनवितात.
शाळेमध्ये एलईडी प्रोजेक्टर त्याचादेखील अध्यापनामध्ये प्रभावी वापर शिक्षकांकडून केला जातो.विद्यार्थ्यांसाठी विविध उपक्रम राबविले जातात. शंभर टक्के उपस्थिती वर्ग स्पर्धा, स्वच्छ सुंदर वर्ग, विविध प्रकारचे सहशालेय उपक्रम प्रभावीपणे राबविले जातात.विशेष बाब म्हणजे बहुली ग्रामस्थ यांच्या फंडातून शाळेत अविरत वीज पुरवठा राहावा म्हणून २००००० रु देणगीतून सुसज असे solar panel उपलब्ध करून दिले आहे.
COVID-19 च्या आपत्कालीन परिस्थितीमध्ये देखील शाळेने दिशादर्शक अशा पद्धतीने काम केले आहे .शाळेतील शंभर टक्के विद्यार्थी ऑनलाईन अध्यापन प्रक्रिया मध्ये समाविष्ट करून घेतले आहेत. WHATSAPP GROUPS च्या माध्यमातून विद्यार्थी शिक्षकांशी जोडले आहेत.
Google meeting, ONLINE TEST, मालिका अशा आधुनिक तंत्रज्ञानाला विद्यार्थ्यांनी सहजपणे आपलेसे करून घेतले आहे. व सर्वांनी शैक्षणिक प्रवाह अखंडितपणे सुरू ठेवला आहे. ही एक प्रकारे शाळेत यशच म्हणावे लागेल.
गुणवत्तापूर्ण विद्यार्थी व उत्तम नागरिक घडविण्याचा वसा घेऊन काम करणारी ही जिल्हा परिषदेची शाळा भविष्यात देखील तेच काम पुढे निरंतर करीत राहील यात शंका नाही.
संकलन व लेखन
श्री सुहास संपत जाधव
(पदवीधर शिक्षक)
जिल्हा परिषद प्राथमिक शाळा बहुली.
